الازهر اسلامی مرکز د مسلمانانو په په ضد د مصنوعي ذهانت د ناسمې استفادې په باب خبر داری ورکړ

ایکنا -د مصر د الازهر اسلامی مرکز له  افراط پالنې سره د مبارزې څانګې د مسلمانانو په وړاندې  په  هندوستان کې د نفرت  او درز د رامنځته کولو لپاره د مصنوعي ذهانت یا هماغه آرټیفیشل انټیلیجنس (اې آي) د ناسمې استفادې د خطرو په باب جدي خبرداری ورکړ.

زمونږخبریال د ایکنا نیوز له قوله راپور راکړ،  د مصر د  الازهر اسلامی مرکز  له  افراط پالنې سره د مبارزې څارونکې برخې  خپلې اندېښنې څرګندې کړې چې د بهاراتیا جنتا (BJP) ګوند د  هندوستان په  آسام صوبې کې د انتخابي کمپاین لپاره د  آرټيفیشل اینټلیجنس ټکنالوژۍ څخه د ناسمې استفادې لپاره د مسلمانانو په وړاندې یو  لمسؤنکي  ویډیو جوړه کړې ده.

دا ویډیو دستمبر  په ۱۵  نیټه د بی جې پي ګوند په رسمي ټویټر اکاونټ کې خپره  شوې وه.

د الازهر څارونکې  برخې پخپلې اعلامیې کې وئيلي دي، دا ویډیو د مسلمانانو یو ګمراه کوونکی انځور وړاندې کوي چې د  نسلي ګواښ  په توګه، داسې خطرناکې ادعاوې کوي چې په  ټولنې کې د وېرې او نفرت د رامنځته کولو  موخه لري. دا له اسلامه د ویرولو د پروسې  یوه څرګنده ښکارنده ده چې د بشري ارزښتونو او د اساسي قانون پر  اساس د ښاریزو له حقوقو او  له عدالت سره په ټکر کې ده.

باید دهند واکمنه ګوند دې ددغې سپيرې هڅې په باب څیړنې او ارزونې وکړي څو په دغه هیواد کې د مسلمانې ټولنې اندیښنې پاي ته ورسیږي.

د الازهر اسلامی مرکز څارونکې برخې د هند د ټاکنو له  کمیشن څخه هم غوښتنه وکړه چې د دغې ویډیو د قانوني اړخ په باب دې  فوري څېړنې وکړي، دسختو ډیجیټلي قوانینو مسوده دې جوړه کړي چې  په سیاسي مبارزو کې د مصنوعي ذهانت ټیکنالوژۍ استعمال کنټرول کړي  او د ټیکنالوژۍ د پلیټ فارمونو لخوا دې د  ډیجیټلي موادو څارنه پیاوړې کړي چې د نفرت د خپرولو مخه ونیسي.

  ماډرن  ټکنالوژي باید د بشري خدمت، پرمختګ او د ټولنيزې سولې د ودې لپاره استعمال شي، نه دا چې په یوې  تفرقه رامینځةکونکې  اولمسؤنکې  وسيلې بدله شي.

https://iqna.ir/fa/news/4311687